History of Node Js

2008-2009 ke aas-paas ek developer Apache servers ke sath kaam karta tha, jahan har request ke liye ek naya thread create hota tha, jo blocking hota tha. Iska matlab ye tha ki jab ek request process hoti, tab tak doosri request wait karti. Is problem ko solve karne ke liye, 2009 me us developer ne JavaScript ko server pe run karne ka socha aur non-blocking approach ko adopt kiya, jisme ek hi thread multiple requests handle kar sakta tha bina block kiye. Usne Chrome ke JavaScript engine V8 ka use karke JavaScript ko server-side pe run kiya.

Is experiment ke baad, 2010 me NPM (Node Package Manager) launch hua, jo JavaScript libraries aur modules ko manage karne ka ek asaan tarika ban gaya. Phir 2011 me Node.js ka Windows version release hua, aur iske baad Node.js ki popularity aur badh gayi.

Ek company, Joyent, ne Node.js ke creator, Ryan Dahl, ko hire kiya. Ryan ne 2009 me Node.js banaya tha, aur ab Node.js ka development kaafi strong ho gaya. Lekin, 2014 me ek challenge aaya jab kuch developers ne Node.js se alag ek project banaya jiska naam tha IO.js. Dono ka focus server-side JavaScript tha, lekin alag-alag development ho raha tha, jiski wajah se confusion badhne laga.

2015 me Node.js Foundation banayi gayi jisme Node.js aur IO.js ko merge karke ek single project banaya gaya—Node.js. Is foundation ne Node.js ko organize kiya aur LTS (Long-Term Support) version ke sath stable releases shuru kiye. Sab kuch theek hone laga.

2019 me OpenJS Foundation banayi gayi, jo web aur server-side JavaScript frameworks ko manage karti hai, aur aaj Node.js OpenJS Foundation ke under managed hota hai.

agar aapko english me padhna hai to yaha click kariye